സുഹൃത്തുക്കളെ , നമ്മള് മലയാളികളെന്താ ഇങ്ങനെ? എങ്ങനെ? എവിടെയും എത്തിപ്പെടും, ആരുമായും ചങ്ങാത്തം കൂടും, എന്തും ചെയ്യാന് സന്നദ്ധരാകും, പക്ഷേ, ഒന്നിലും മനസര്പ്പിക്കില്ല. എതിരഭിപ്രായം ഉണ്ടാകാം, വേണ്ടെന്നു പറയുന്നില്ല, എങ്കിലും ഒന്ന് ചിന്തിക്കു.
ഐ ടി മേഖലയില്, ബാങ്കിങ്ങില്, നേര്സിംഗ്, ടീച്ചിംഗ്, ഫുട്ബോള്, ആക്ടിംഗ്, എന്നുവേണ്ടാ ഇതു രംഗത്തും നമ്മളുണ്ട്. പലപ്പോഴും നമ്മള് മലയാളികള്ളല്ല `മല്ലു' എന്ന് വിളിക്കപെടുന്നു, പരസ്പരം പോലും അങ്ങനെ അഭിസംബോദന ചെയ്യുന്നു.
അതില് എന്താ തെറ്റെന്നു ചോദിക്കാം.
എങ്കില് പറയട്ടെ. മലയാളികള് നിരവാദി കുടിയേറി പരക്കുന്നുണ്ട് വിദേശത്തും, ഇന്ത്യയില് തന്നെ മറ്റു പല നഗരങ്ങളിലും, അവരുടെ മക്കളില് `ഞങ്ങളുടെ പൂര്വികര് മലയാളികള്, ഞങ്ങളും മലയാളികള്' എന്ന് പറയാന് ആഗ്രഹിക്കുകയെങ്ങിലും ചെയ്യുന്നവര് എത്രയുണ്ടാകും.
ഞാന്, ഭാഷയുടെ, ദേശത്തിന്റെ അടിസ്ഥാനത്തില് ഒരു വ്യത്യാസം ഉണ്ടാക്കുകയല്ല. എന്റെ ഉദ്ദേശ്യം തികച്ചും ലളിതമാണ്, സ്വന്തം വേരുകള് അറ്റുപോകുന്ന ഒരു സാഹചര്യം നമ്മള് ഉണ്ടാക്കരുത്. കഴിയുമ്പോഴൊക്കെ, നമ്മുടെ ഭാഷയെ, ഭക്ഷണ രീതികളെ, കലാരൂപങ്ങളെ, കായിക കേളികളെ, സ്മരിക്കുകയും പങ്കുവെയ്ക്കുകയും മാത്രം ചെയ്യുക.
ഇത് ഒരു മലയാളി മറ്റൊരു മലയാളിയോട് കാണിക്കുന്ന മലയാളിതമായി മാത്രം കരുതുക.
0 comments:
ഒരു അഭിപ്രായം പോസ്റ്റ് ചെയ്യൂ